المرحله التانيه وهى تكوين الفرق

المرحله الاولى

فكره عامه عن الدورى
دورى بالمنتدى؟
الفكره عباره
مجموعه من الفرق بتلاعب بعض بنظام النقط وهيكون فيه جدول بمواعيد الماتشات
كل فريق بيختارله اسم يمثله
الفريق يتكون من 2عضو
هنكون مثلا عشر فرق او اكتر او اقل
كل الفرق هتقابل بعضها بنظام النقط
هيتم تحديد جدول للمباريات وسيتم وضعه
مثلا فريق الاهلى ضد فريق الاحلام الساعه 10 مساءا يوم الاحد
يوم الاحد دا هيتفتح توبيك بعنوان
(( فريق الاهلى ضد فريق الاحلام ))
ما على الفريقان الا التواجد فى الموعد المحدد وتسجيل الدخول فى التوبيك المخصص للمباراه
داخل التوبيك سيتم توجيه مثلا ست اسئله عامه رياضيه ثقافيه دينيه وهكذا من قبل حكم المباراه اللى هو العبد لله بنظام العد التنازلى بمعنى
هقول
3
2
1
السؤال كذا
واللى يجاوب الاول تحسب ليه نقطه
سيكون هناك قوانين للعبه
مثلا ليس لك الا اجابه واحده للعضو الواحد
لا يمكنك التعديل فى اجابتك الاولى تحرير
اذا تغيب احد اعضاء فريقك يمكن فى تلك الحاله يصبح للعضوالاخر اجابتين لا يضعهما فى مشاركه واحده ولكن يضع اول اجابه ثم الثانيه فى رد منفصل
وهكذا سيتم وضع القوانين
والفريق الفائز نحدد له الجائزه لون بالمنتدى لمدة عشرة ايام ولقب وجايزه ماديه كروت شحن واحتمال كرافاتات بقيمة عشرون جنيها فقط لا غير هههههه من الراعى الرئيسى للبطوله محلات سمارت هههههه دا للمركز الاول
اما المركز الثانى فهيحصل على لون لمدة اسبوع ولقب
والمركز الثالث يحصل على لقب

الالقاب دى اللى هى بتبقى تحت الاسم مكان تربوى جامد والحجات دى هيبقى مكتوب مركز ثالث او ايا كان المسمى بقى

منها عملنا نشاط بالمنتدى ومنها اتعرفنا على معلومات جديد
مفيش مشكله انك تعمل بحث عن الاجابه بجوجل لان هدفنا هو كسب معلومه جديده وتنشيط المنتدى والفائز من يقدم الاجابه الاول
من الممكن ان يكون النت بطىء عندك ودى حلاوة اللعبه كونك قاعد على نار
ياترا اجابتى وصلت الاول ولا ياترا حد لحق قبلى ولا ياترا صاحبى بعت الاول
يا عم انت اتحرك بقى
هخسر ولا ايه ؟!!!
وهكذا ...
منتظر رأيكم وأى استفسار هجاوب عليه


جدول الدورى هيبقى زى دا كدا
https://shababtarbiakfs.own0.com/montada-f30/topic-t4020.htm

بس لازم الكل يعرف ان كان فيه سلبيات فى الدورة الاولى اهمها اننا حاولنا نظبط الجدول على مواعيد الناس وبرضه ما عرفناش فمش مطلوب منك الا التواجد وقت ماتشك لان الموضوع عبارة عن ساعة زمن مش هتاخد اكتر من ساعه
وحاولوا تقولولى الميعاد المناسب لكل واحد وفى الاخر هيتم عمل ميعاد للماتشات سواء اتفق او اختلف لازم تراعى ان كل واحد ليه ظروفه فنحاول نتماشى مع الامر ونتواجد

ودا ماتش تجربه تقدروا تشوفوه وتعرفوا نظام الماتشات هيمشى ازاى
https://shababtarbiakfs.own0.com/montada-f30/topic-t4055.htm

دا كان اول ماتش وكان فيه استفسارات كتير فتقدروا تقرأوا التوبيك وتشوفوه

المرحله التانيه وهى

تكوين الفرق
دلوقتى مطلوب من الاعضاء
يكونوا الفرق

كل اتنين يبقوا فرقه ويختاروا لنفسهم اسم

بس مش عايز حد يدخل يقولى انا هبقى مع فلان الا لو كان متفق معاه قبليها عشان ما نسببش لحد احراج يمكن مش عايز يكون معاك فى الفريق وهيعمل لنفسه فريق تانى
فالاول تشوف اللى هتختاره هل موافق عليك ولا لا

يلا كل اتنين مع بعض يختاروا لنفسهم اسم اى اسم يحبوه بس تكون اسامى لذيذه كدا